आओ म्हारा सांवरिया
आओ आओ म्हारा सांवरिया थे आंगण में,
आओ आओ म्हारा सांवरिया थे आंगण में,
रातां म्हें जगावा सारी जागण में……….
कीर्तन की रात बाबा बेगा बेगा आओ,
लीले चढ़ बाबाजी थे बेगा बेगा आओ,
लीले चढ़ बाबाजी थे बेगा बेगा आओ,
कांई लागै है जी बाबा, थारें आवण में,
रातां म्हें जगावा सारी जागण में………
ढोल नगाड़ा बाबा मंजीरा बजावां,
मीठा मीठा बाबा थाने भजन सुनावां,
मीठा मीठा बाबा थाने भजन सुनावां,
बाबा टाबरिया नाचे है थारें आंगण में,
बाबा टाबरिया नाचे है थारें आंगण में,
रातां म्हें जगावा सारी जागण में………..
केसरिया बागो यो बाबा थाने पहरावा,
चांदी रो थारें बाबा छत्र लगावा,
म्हें तो फुला स्युं सजायो थारें आंगण ने,
रातां म्हें जगावा सारी जागण में………..
‘केशव’ केवै बाबा म्हारी अरज सुनिज्यो,
चरणां री चाकरी थे म्हानै भी दिज्यो,
चरणां री चाकरी थे म्हानै भी दिज्यो,
म्हाने लाज कोनी आवे थांसु मांगण में,
रातां म्हें जगावा सारी जागण में………..
आओ आओ म्हारा सांवरिया थे आंगण में,
आओ आओ म्हारा सांवरिया थे आंगण में,
रातां म्हें जगावा सारी जागण में……….
श्रेणी : खाटू श्याम भजन
म्हरा साँवरिया { Mhara Saawariya } Neelkant Modi | Latest Shyam Bhajan @Saawariya
आओ आओ म्हारा सांवरिया थे आंगण में, रातां म्हें जगावा सारी जागण में, कीर्तन की रात बाबा बेगा बेगा आओ, लीले चढ़ बाबाजी थे बेगा बेगा आओ, aao aao mhaara saanvariya the aangan mein, raataan mhen jagaava saaree jaagan mein, keertan kee raat baaba bega bega aao, leele chadh baabaajee the bega bega aao,